ഇരുപത്തി ഒന്നാമത് രാജ്യാന്തര ചലച്ചിത്രമേളയുടെ ഡെലിഗേറ്റ് രജിസ്‌ട്രേഷന്‍ പൂര്‍ത്തിയായി. 12,000 പേരാണ് ഡെലിഗേറ്റ് പാസ്സിന് രജിസ്റ്റര്‍ ചെയ്തത്. രജിസ്‌ട്രേഷന്‍ ആരംഭിച്ച നവംബര്‍ അഞ്ചിന് തന്നെ 8000 ഓളം പേരാണ് ഓണ്‍ലൈന്‍ വഴിയും നേരിട്ടും രജിസ്റ്റര്‍ ചെയ്തത്. അഭൂതപൂര്‍വമായ തിരക്കിനെ തുടര്‍ന്ന് നിര്‍ത്തിവെച്ചിരുന്ന രജിസ്‌ട്രേഷന്‍ ഇന്നലെ പുനരാരംഭിച്ചെങ്കിലും മണിക്കൂറുകള്‍ക്കകം പ്രതിനിധികളുടെ എണ്ണം പൂര്‍ത്തിയായി. ഇത് മേളയുടെ സ്വീകാര്യതയ്ക്കുള്ള തെളിവാണെന്നും രാജ്യാന്തര ചലച്ചിത്രോത്സവത്തിനെ തുടക്കത്തിലേ ചലച്ചിത്ര പ്രേമികള്‍ ഇരുകയ്യും നീട്ടി സ്വീകരിച്ചതില്‍ സന്തോഷമുണ്ടെന്നും ചലച്ചിത്ര അക്കാദമി ചെയര്‍മാന്‍ കമല്‍ പറഞ്ഞു. ആകെയുള്ള പ്രതിനിധികളില്‍ 3000 പേര്‍ വിദ്യാര്‍ഥികളാണ്. മാധ്യമ പ്രതിനിധികള്‍ക്കായുള്ള രജിസ്‌ട്രേഷന്‍ ആരംഭിച്ചിട്ടുണ്ട്.
No comments:
Post a Comment